شريط حلم شاعر ..

موضوع: شريط حلم شاعر .. 26.11.07 4:07

.. حلم شاعر ..

يجيني الليل أشوفنك بدر صاحي - يجي المصباح أشوفك شمس مصباحي
عجيبة اشلون يا حسين اجمعت ضدين - صرت هم دمعتي او هم بسمة أفراحي

خنگ روحي الهجير او عز عليها الماي - و إجيتك عود ذابل يا نبع دنياي
حلم يبن الوديعة او شالتك عيناي - كل خفگة نبض ينبض هواك اوياي
إجيتك عندليب او كسر جنحي الشوگ - مثل فطرس رجع لي ابفضلك اجناحي

مثل كل النوارس لمن اتهاجر - طرت بجناح نورس وبحلم شاعر
همت بين الظنون او لهفة الخاطر - شاغلني هواك او موجك الساحر
من جيت او گلت لك سيدي عطشان - صرت دمعة نجوم الليل بقداحي

تعتم دنيتي وأحتار أشوفك وين - أدور يا حبيبي بيا كتر ومنين
أصد للبدر لن يندهني رمش العين - هذا مو بدر هذا إلتشوفه حسين
وأگضي الليل وياك ابسهر عشاگ - ضوى عيونك يسد بوابة اجراحي

يطول الليل ريته او ريت أظل وياك - خفت ضي الصبح يحجب سحر معناك
الشمس لاحت صحت حل يابدر فرگاك - لن الشمس إنت يا الضواها اضواك
إنت الضوى وإنت الزرع وإنت الماي - وإنت اسيوفي يوم الشدد ورماحي

حبيبي او حيرتني ابسرك او أمرك - هذا إلبثرية إنت لو بدرك
يمن صبري نسجتة من درع صبرك - أبيع العمر كله ابلحظة من عمرك
إذا حبل الوصل ينگطع يا محبوب - گبل حبل الوصل ينگطع سباحي

كتابة :- ( اميرة الحب)

للإستماع :-

http://www.althqlin.net/sounds/playmaq-1594-0.html

موضوع: .. يا الرايد الروح .. 26.11.07 4:08

بسم الله الرحمن الرحيم

اللهم صل على محمد وال محمد

.. يا الرايد الروح ..

يالرايد الروح روحي خليها - ماعندك أثمان حتى تشريها
وبلا ثمن للمجتبى روحي أهديها

صوت الأمل صاح - إسمعني يا صاح - وإسمع أقوالي
هذا إنت شراي - يا صاحب الراي - إفهم التالي
لو روحي تختار - ما إلها أسعار - والسعر غالي
شما تدفع أموال - ما تغير ابحال - فكري وأعمالي
ليا مصدر اهويت إسمع اجوابي - للعترة واليت كلهم أحبابي
ولرابع أصحاب العبى روحي أهديها

أهوى الميامين - هم البراهين - لليواليهم
وبحبي معروف - دلالي مشغوف - وإنفتن بيهم
لو روحي يردون - وشما يطلبون - عمري أنطيهم
لو مهجتي إنطيت - لو عمري ضحيت - ما أجازيهم
حب الحسن بيه كعبة ظنوني - اشما يطلب أنطيه وأرخص اعيوني
للي هداني الموهبة روحي أهديها

لدرب الحسن جيت - وبسيرته امشيت - وتبعت أمره
وإلي يعذلون - چانوا يريدون - أعكس المسرى
عرضوا إلي اكنوز - گالوا ولك جوز - إترك العترة
اشما تهوى ننطيك - اشتطلب نوافيك - الواحد ابعشرة
ارفضت او صحت صوت ما أمل منهم - لا والله للموت ما أصد عنهم
لعترة الهادي الطيبة روحي أهديها

هالسائل ايگول - عترة المرسول - يا إلتواليهم
عاقد أمل بيش - وتمسكت ليش - گلت له تدريهم
هالوادم أصناف - او لو ما هالأشراف - منهو يهديهم
كعبتها أوثان - و اعلى الجهل چان - يحدي حاديهم
بالعترة هالناس ربنه نجاهم -إلهم رفع راس مكرمة إنطاهم
وآنه إهتفت لأهل الإبى روحي أهديها

كلهم ميامين - وتعطر الدين - بزهرة الوادي
عطر الحسن فاح - أول بدر لاح - إلعترة الهادي
بإحسانة مشهود - تشهد له بالجود - حاضر او بادي
نسمع نداءات - نبرة كرامات - تغني وتنادي
نهج الحسن صار مصدر أفراحنه - ويخلد آثار تحيي أرواحنه
وآنه اويا نسمات الصبا روحي أهديها

للإستماع :-

http://www.althqlin.net/sounds/playmaq-1593-0.html

موضوع: رد: شريط حلم شاعر .. 26.11.07 4:09

بسم الله الرحمن الرحيم

اللهم صل على محمد وال محمد

.. زَنيَبُ يا أملي ..

زَينَبُ يا أمَلي - يا شَمعَةَ الرُسُلِ - تَزهو بِبَيتِ عَلي
بَضعَةُ حَيدَر - ساقي الكَوثَر

نورين من گلب السمى ويزهن شمعتين - نور الحسن والثاني شع من وجة الحسين
مو فرحة وحدة المرتضى بقلبة فرحتين - زينب الشمعة الثالثة وشافتها كل عين
زَينَبُ تَزدَهِرُ - زَهى لَها القَمَرُ - وَالأنجُمُ الزُهُرُ
بِنتُ الجَوهَر - ساقي الكَوثَر

بالحسن هادينه إبتشر من شاهد النور - بميلاد أبو الأكبر گلب للزهرة مسرور
ثالث هدية تخص علي ومحلفها معمور - ما بين زينب والوصي بدر الوفى يدور
زَينَبُ مَولِدُها - بِالحُبِ يَرفِدُها - حَيدَرُ والِدُها
فَهُوَ المَصدَر - ساقي الكَوثَر

مثل الحسين وفاطمة وبنفس الآمال - مثل الرسول ويا الحسن يتشابه الحال
حب حيدر لزينب صبح مضرب للأمثال - ميلاد زينب كل ملك بيه صرح وگال
زَينَبُ فاهِمَةٌ - بِالحَقِ عالِمَةٌ - وَالأُمُ فاطِمَةٌ
أما المِحوَر - سافي الكَوثَر

نزلت بشاير من لدن عالم الرحمن - يا الهادي هذه شمعتك للعفة عنوان
للحرة لو رايد إسم يا صاحب الشان - سميها زينب والإسم من رب الأكوان
زَينَبُ خالِقُها - كَالشَمسِ أشرَقَها - ِالحَقِ أنطَقَها
فيها بَشَر - ساقي الكَوثَر

بارينه جاعل هالإسم سر من الأسرار - للوحي بلغ والوحي بلغ المختار
هادينة عن هذا الإسم بلغ الكرار - حيدر بهالفرحة قصد يم أم الأطهار
حَيدَرُ خَبَرَها - بِالإسمِ بَشَرَها - بِالسِرِ نَوَرَها
وَهُوَ الأنوَر - ساقي الكَوثَر

بيت الوحي الليلة إنجعل بالفرحة مرصود - ميلاد زينب بت علي بالبهجة مشهود
بت حيدر وسر الإسم للخالق يعود - أم الصبر صبر الگلب وياها مولود
اللهُ شَرَفَها - بِالعِلمِ أتحَفَها - وَالكُلُ يَعرِفُها
نورٌ يَزهَر - ساقي الكَوثَر

للإستماع :-

http://www.althqlin.net/sounds/playmaq-1592-0.html

موضوع: رد: شريط حلم شاعر .. 26.11.07 4:10

بسم الله الرحمن الرحيم

اللهم صل على محمد وال محمد

.. أهل الحب ..

أهل الحب يگولون الجنون فنون وأنا الولهان وجنون العشگ فني
ما أبالغ لون گتلك تجنن قيس او كل ذاك الجنون اتعلمه مني
فشل قيس ابغرامه او خابت اظنون وأنا ابشوگي او غرامي حققت ظني
العشگ مو بالخدود او جرت الكحلة ولا لمسة جفون ايلامسن ذني
ولا موعد تگوله ويا محبوبك او تروح اعلى الوعد ملهوف متعني
العشگ طيب او وفى وعزة وإبى وإخلاص العشگ سنة او شرع للحگ يودني
وأنا إلحبيت أهل بيت النبي الهادي او دنية او آخرة ابهالعشگ متهني
او خل روحي ابفرحهم تبگى ولهانة او خل گلبي اليتيم ابنغمته ايغني
مثل هاليوم بيه إنولد محبوب او بنات الشعر بالمولد يهنني
إجيت ابشوگ گلبي والقوافي خيول وأشواگ الگلب صارن يمشني
ولون تسألني او گلت يا وكت حبيت أگلك هالمحبة من زغر سني
وأختمها مثل مبديت أول بيت أنا الولهان وجنون العشگ فني

كتابة :- ( اميرة الحب )

للإستماع :-

http://shiavoice.com/play.php?linkid=27477

موضوع: رد: شريط حلم شاعر .. 30.11.07 6:29

السلام

مشكورة اختي اميرة الحب

موضوع: رد: شريط حلم شاعر .. 30.11.07 6:53

العفوا